Home » Lajme » Rajoni » Mjekët turq flasin për gjendjen e ish-kryeministrit Bajram Rexhepi

Mjekët turq flasin për gjendjen e ish-kryeministrit Bajram Rexhepi

Loading...

Gjendja e ish-kryeministrit Bajram Rexhepi sipas përshkrimit të mjekëve turq është mjaft e rëndë. Ai po mbahet në kujdesin intensiv në spitalin “Dr. Mazhar Osman” në Stamboll

Ish-kryeministri i Kosovës, Bajram Rexhepi, po vazhdon të trajtohet në Turqi. Mjekët e spitalit ku po qëndron Rexhepi, “Dr. Mazhar Osman” në Stamboll, bëjnë të ditur se gjendja e tij shëndetësore nuk është përmirësuar, shkruan Gazeta Shneta.

Në një përshkrim që Gazeta Shneta ka arritur ta marrë nga mjekët të cilët po e përcjellin gjendjen e Rexhepit, thuhet se ai është në gjendje të pavetëdijshme, me stimulim kundër dhimbjeve dhe nën ndihmën e ventilatorit.

“Pacienti me emrin Bajram Rexhepi, i shtrirë në njësinë e kujdesit intensiv në Neurologji, është në gjendje të pavetëdijshme, me stimulim kundër dhimbjeve dhe nën ndihmën e ventilatorit”, ka deklaruar spec.dr. Belgin Munise Mutluay.

Ai shton se pjesa e majtë e trurit është përmbysur totalisht ku vërehet edhe prezenca e hemikrainektomisë, ndërsa e djathta ka pësuar infarkt të gjerë.

“MCA e majtë totalisht, kurse pjesa e djathtë ka pësuar infarkt të gjerë. Majtas vërehet edhe prezenca e hemikrainektomise”, ka thënë Dr. Mutluay.

Për Gazeta Shneta ka folur edhe anesteziologu Dr. Ipek Bostanci, i cili ka vlerësuar se “gjendja e Rexhepit në përgjithësi është jo e mirë, pa vetëdije, të cilit në mënyrë mekanike po i ndihmohet ventilimi”.

Ai ka bërë të ditur se gjendja e tij është kërcënuar edhe nga rritja e temperaturës.

“Gjatë përcjelljes se gjendjes është hasur në rritje të temperaturës por me një terapi antibiotike nga specialisti  i infeksioneve është stabilizuar”, ka deklaruar Dr. Bostanci.

“Sa i përket gjendjes kardiake akoma kemi të bëjmë me gjendjen jo stabile me mbështetje të Noradrenalines me Dozë: 0.1 mgr/kg/min. Në ritmin AOF ka aritmi dhe po i jepen tableta Cordoron. Me Ngs (Të ushqyerit nëpërmjet sondës) po i jepet te ushqyerit enteral. Urinimi është i mjaftueshëm”, ka njoftuar Dr. Bostanci.

Bajram Rexhepi u dërgua në Turqi pesë ditë pasi u operua në QKUK nga ekipi i udhëhequr nga Dr. Arsim Morina.

Më 19 prill QKUK-ja thirri një konferencë të jashtëzakonshme për të njoftuar për gjendjen e Rexhepit, i cili pësoi dy sulme në tru.

Morina tha se operacioni ka qenë i suksesshëm dhe u bëri thirrje pacientëve që të mos dalin jashtë vendit për të kërkuar shërim.

Edhe anëtari i Bordit të QKUK-së, Shemsi Veseli, tha se vet Rexhepi ka kërkuar që të operohet në këtë klinikë.

Por për fat të keq, është vet politikani i cili u detyrua të dërgohet jashtë vendit për të gjetur shërimin pas dështimit në QKUK.

Gazeta Shneta në një hulumtim të saj ka raportuar se si dështoi QKUK-ja t’ia jepte mundësinë për shërim Rexhepit, sikur të aplikohej protokolli i Trombolizës.

About Kohanews

x

Check Also

Burim Berisha është kandidati nga radhët e LDK-së për Kryetar të Fushë -Kosovës edhe zyrtarisht ka fituar pa balotazh në komunën e Fushë Kosovës. Sipas rezultateve preliminare të KQZ-së, Burim Berisha ka fituar mbi 63 % të votave në komunën e Fushë- Kosovës. Berisha ka lënë prapa kandidatin e VV-së Avni Zogiani i cili ka marrë 20.44 % Me këtë fitore Burim Berisha bëhet kandidati i parë në histori të zgjedhjeve në Kosovë që i fiton katër palë zgjedhje. Mbrëmë edhe njëherë u dëshmua që një prej bastioneve më të mëdha të LDK-së në Kosovë po del te jetë Komuna e Fushë Kosovës. Kujtojmë që Berisha ka dalur edhe si kandidati më i votuar në radhët e Lidhjes Demokratike të Kosovës në gjithë Kosovën.

Loading... Burim Berisha është kandidati nga radhët ...

Arban Abrashin apo Shpend Ahmetin, cilin do ta mbështes Selim Pacolli

Loading... Kandidati i AKR’së për Kryetar të ...

Facebook Auto Publish Powered By : XYZScripts.com
Loading...